دفتر احوال يوم الحساب

اليوم هو يوم خاص جدا في مصر، نتيجة للاحداث اشتعل الفيس بوك بالتعليقات و هذه اجمل تعليقات وجدتها على الفيس بوك اليوم 13 ابريل:

هشام طلعت بيقول لحسني كده سبتني اترمي اديك حصلتني قاله يعني هي دي سوزان اللي اتفقنا عليها

يا ربى السجون دى حاتساع مين و لامين …..!!!! أحنا ناقصين مشاكل ههههه… نطلب اعانة خارجية لبناء مزيد من السجون

لالالالالا ياجماعة ……….. ايه اليوم ده ؟؟؟؟؟ ده احنا زاعق لنا نبي النهاردة

النائب العام متحمس جدا النهاردة محدش يكلمه ، ده ممكن يحبس مراته وعياله

يا خمستشراتك يا عبد المجيد

إعلان يوم 13 ابريل العيد القومي للشماتة ……اللهم شماتة ثم شماتة

فعلاً دة يوم تاريخي لمصر ….ممكن نبقي نعمله عيد ونسميه عيد ال-15 …..وأجمل حاجة إن بلطجي منصور دخل هو كمان …..

يخربيت الغل اللى بقيت فيه … انا هموت من الشماته فى مرتضي منصور

واكتمل النصاب القانونى لسجن المزرعة

أنا خايف يعملوا انقلاب جوة السجن و يعلنوا جمهورية طرة المستقلة : الرئيس موجود و الرئيس القادم و رئيس مجلس الشعب و الوزراء الخ الخ الباقى ينضم لهم براحته

مرتضى حيهدد جيمى بالسيديهات اللى معاه وحتبقى فورجة … يا ضنايا يا مورتا

صفوت أتحبس ومن شوية سمعت خبر عريب مووووووت في التلفزيون المصري بيقولوا أن: حسني مبارك شخصياً أتحبس حقا لو ده جصل، يبقى الرئيس القادم لمصر، ياخد على قفاه لو غلط ولو غلطة عادية معدية

خبر عاجل من طرة : زكريا عزمي يقوم حاليا بتنفيض و كنس زنزانة بحري بجوار زنزانته … علي ما يبدو أنه ينتظر ضيفا عزيزا عليه

بورتو طرة: من أجلك أنت

بعد ما سجن طره جمع الناس دي كلها (فتحي سرور-أحمد نظيف – حبيب العادلي – زهير جرانه – أحمد المغربي – أنس الفقي – أحمد عز – زكريا عزمي – محمد إبراهيم سليمان – صفوت الشريف – جمال مبارك – وعلاء مبارك – مرتضى منصور).. والقائد محمد حسني مبارك .. منقدرش نقول غير “لقد هرمنا هرمنا من أجل هذا اللحظة التاريخية”.. وعقبال الباقي

كان نفسنا نشوف فى مصر رئيس سابق .. أفرحوا بقى عندنا رئيس سوابق

لو استمرينا بالمعدل ده، ع الساعة 9 بالليل هنحبس القذافى

احمد عز يطلق حملة ابنى زنزاتك …تبرع ولو بسيخ

لقاء السحاب فى سجن طرة .. مرتضى منصور و أحمد عز .. على أنغام أغنية الدنيا زى المرجيحة

واشنطن بوست : لأول مرة نظام بكامله في السجن…الانفراد طبيعة المصريين

مرتضى منصور ها يروح طره يفرجهم على السى ديهات اللى معاه

أنباء عن هتاف جيمي أثناء تشريفة الزنزانة : زي ماقال الريس ..سجن طرة كويس

عرض خاص :مع نسمات الربيع استمتع بالهواء النقى في شم النسيم في اشهر مزرعه في مصر و بصحبة كبار القوم فقط احجز مكانك من الان في جراند طره ..للحجز و الاستعلام مكتب النائب العام …احجز زنزانتك من الآن

طرة لاند صيفك عندنا

بورتو طره .. زنزانة عالمية ع ارض مصرية

تبرعو لبناء زنازين جديدة في طره .. العنابر اتملت

اضافة جديدة يوم 14 ابريل

حسني مبارك “آسف على الازعاج” انت عملت أكبر “مطب صناعي” في تاريخ مصر والله إنت “وش إجرام” وطول عمرك “دبور” ودلوقتي معاك “زهايمر” باختصار إنت ” محترم إلا ربع” كل الشعب بقى ينادي “جعلتني مجرمًا” وعملت الحلو “عسل إسود” ومن السجون “العيال هربت” سرقت من عيونا ” الفرح” إنت فاكر مصر “كباريه” وعامل فيها “الزعيم” وكنا نقول يا عم عديها “حين ميسـره… ” “ليه.. يا دنيا” “هي فوضى” باختصار حسني مبارك . “طير إنت

Egypt always starts the new trends.. We are the first to have a whole Government in prison!! this is historical.. and as usual Egypt makes History!! Truly the mother of all civilization!! Proud to be Egyptian!

 

Advertisements

0 Responses to “دفتر احوال يوم الحساب”



  1. Leave a Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s





%d bloggers like this: