رصد لبعض التعليقات على الفيسبوك عقب صدور حكم حل الحزب الوطني
دلوقتى هنلاقى على الفضائيه المصريه فى رمضان الجاى الاخوان يعملوا مسلسل “الحزب المحلول” عشان يردوا بيه الجميل لحكومة طرة لاند
زغرطي يا ام جيهان..مقر الحزب الوطنى بقى لحقوق الانسان..النهاردة يوم تاريخي !! ايه اللي بيحصل ده … حلم ولا علم
سبحان من جعل الحزب الوطني محظور وجماعه الاخوان هيا الرسمي
السلفيين يطالبون بتطبيق الحد على قيادات الوطني بأعتبارهم …منحلييييين
الي طلعت السادات — وشك حلو علي الوطني — ماتمسك الامن الوطني
موسوعة نجس للارقام القياسية الواطية تهنىء صلعت السادات بحصولة على لقب اسرع رئيس حزب محلول في العالم حيث استطاع ان يبقى في منصبه لمدة 3 ايام كاملة متضمنة يوم الجمعة قبل ان يحل الحزب بحكم الادارية العليا اليوم
فى 3 مليون فل من الفلول النهارده حيبات بيعيط و دموعه على المخدة، احنا اسفين يا فلول، و على رأى المثل بتاع اخويا المخبر، زغزغنى فى كوعى و امسح دموعى
و بعد قرار حل الحزب الوطنى اقدر اؤكد ان الحزب الوطنى كانت بدايته على ايد أنور السادات و نهايته على ايه طلعت السادات عيله مبروكه
مليونية الجمعة القادمة للمطالبة بإلغاء الهلال و الجمل من رموز مرشحى مجلس الشعب
و قال لك : طلعت السادات رئيس الحزب الوطنى المحظور -صدق اللى قال الدنيا زى الخيارة يوم فى ايدك و يوم فى ايد حد ثانى…….سبحان المعز المذل
Recent Comments